Jakob Sande (1906-67) vart fødd i Fjaler i Sunnfjord. Han debuterte i 1929 og gav ut ei rekkje samlingar med dikt og viser – bøker som gjorde han til ein av våre mest folkekjære diktarar. Dikt i samling kom ut første gong i 1956. I 1965 vart det laga ei revidert utgåve, der Sande sjølv hadde tatt ut over førti dikt. No er ei utgåve med alle dikta her, og denne samlinga inneheld òg den kjende visa Julekveld (Det lyser i stille grender), som ikkje har vore publisert i bokform tidlegare. Einar Økland har skrive etterord, og kommenterer der òg historia om dei ulike utgåvene.